zefix der heilig abend naht
für d'gschenk is' wieda amoi z'spat
im kaufhaus dudelt gletznmusi
a mo kafft reizwäsch für sei gschpusi
a frau kafft schiache weihnachtskartn
a boxaschort und a krawatt'n
de ganze welt is voller depp'n
de riesn plastiktütn schleppn
de oana schrein mia woin mehr geld
de andern spendn brot für'd welt
da scheene schnä werd langsam baaz
de guadn wünsch de san für'd katz
denn unterm baam werd wieda gstritt'n
de fetzn fliagn do wackelt d'hüttn
zum glück is boid da spuk vorbei
- i soi a fade nockn sei?
i mog hoit so vui gern mei ruah
und hör am schnee beim rieseln zua
d' geburt vom jesus is mir gleich
denn des oane sog i eich
auf dera welt wird - des is gwiss
a mo geborn mit recht vui gschiss
an jeden tog ja stündlich boid
der sich für eine gottheit hoit
für frauen gibts do nix zum lacha
de soin de ganze arbeit macha
drum geht ma des am oasch vorbei
ich feier d'nacht - ganz ohne weih.
Quelle: http://www.salamandra.de/tagebuch/start.php?page=1&entries=5
Keine Kommentare:
Kommentar veröffentlichen